Internacia Fotokonkurso

La Ondo de Esperanto organizis en 2003 la sesan Internacian Fotokonkurson. La konkurso ne estis dediĉita al iu temo. Partoprenis 102 fotoverkoj de 31 aŭtoroj el 13 landoj: Brazilo, Bulgario, Finnlando, Francio, Hungario, Germanio, Kanado, Pollando, Ruslando, Singapuro, Slovenio, Svedio, Svislando.

La partopreno estis rekorda; en 2002 estis ricevitaj 61 fotaĵoj de 21 aŭtoroj el 10 landoj.

15 jan 2004 la juĝkomisiono anoncis la rezulton.

1a premio (€50 kaj abono al La Ondo de Esperanto):
Tibor Magyar (Singapuro) pro ciklo da fotoj.

2a premio (€25 kaj abono al La Ondo de Esperanto):
Joaquim João Mariano (Brazilo) pro “Belulino ĉe bambuaro” kaj “Enmemiĝa gitaristo en folklora festo”.

3a premio (abono al La Ondo de Esperanto):
Robert Kamiński (Pollando) pro “Quo vadis, homo”.

Laŭdaj mencioj:
Marcos A. Bueno (Brazilo) pro “Manoj kun kafo”.
Sergej Griŝĉenko (Ruslando) pro “Ondo”.
Andrea Ottrok (Hungario) pro “Somero”.
Karen de Cássia Pereira (Brazilo) pro “Refreŝiga”.
Raita Pyhälä (Finnlando) pro “Juno kaj maljuno”.
Teresinha Ribeiro (Brazilo) pro “Leviĝanta tago”.

Priesperantaj fotoj

Premio (Libroj de Sezonoj kontraŭ€ 50):
Karen de Cássia Pereira (Brazilo) pro “Geesperantistoj ĉe la natura fenestro”.

Laŭdaj mencioj:
Andrea Ottrok (Hungario) pro “Frenezaj esperantistoj dum IES”
Robert Kamiński (Pollando) pro “Ĉio verda — eĉ la nomo de la pastro”.

Laŭ la Regularo de la Konkurso, la organizantoj havas ekskluzivan rajton ĝis la 31a de decembro 2005 uzi ĉiujn ricevitajn fotojn en papera kaj elektronika formo kaj en ekspozicioj.

Dankon al la partoprenintoj!
Gratulon al la laŭreatoj!

Halina Gorecka
sekretario de la konkurso


Musklaku por vidi tri fotojn, kiuj aperis en la februara kajero de La Ondo de Esperanto.
  • Tibor Magyar. Mondo el ĉina vidpunkto
  • Tibor Magyar. Je via dispono
  • Joaquim João Mariano. Belulino ĉe bambuaro

    Novaĵoj | Enirpaĝo