Ĉi tiu paĝo estas en Unikodo (UTF-8).
Konferenco de KREU
La 24an de februaro 2004 en la Marista Kulturpalaco okazis Konferenco de
Kaliningrada Regiona E-Unuiĝo La Ondo de Esperanto. La Konferenco
daŭris du horojn. La konferenca diskutado estis multe pli vigla kaj pozitiva
ol en la du antaŭaj konferencoj.
La Konferenco akceptis la agadraporton kaj la financan raporton de la Komitato
de KREU kaj la raporton de la Kontrol-Revizia Komisiono de KREU.
La Konferenco elektis la novan Komitaton de KREU:
-
Halina Gorecka (prezidanto)
-
Nikolaj Penĉukov (sekretario)
-
Oleg Daniljuk (membro)
La Konferenco elektis la novan Kontrol-Revizian Komisionon de KREU:
Leonid Romenskij (prezidanto); Galina Penĉukova kaj Larisa
Babajeva (membroj).
La Konferenco aprobis buĝeton de KREU por 2004 kaj akceptis kotizregularon
por 2004:
-
300 rubloj — baza kotizo;
-
150 rubloj — kotizo por familianoj kaj nelaborantoj.
Inter aliaj decidoj kaj dezir-esprimoj de la Konferenco estas jenaj:
-
okazigi 15 maj 2004 Tagon de Esperanto por partneroj, ĵurnalistoj kaj
aliaj interesitaj personoj;
-
okazigi Ago-Tagon en oktobro 2004 kunlabore kun Varsovia Vento;
-
okazigi en decembro 2004 Zamenhofan Semajnfinon kunlabore kun la Ĝenerala
Konsulejo de Pollando;
-
komisii al la Komitato de KREU esplori eblon fondi ZEOn en Kaliningrado;
-
komisii al la Komitato esplori eblon okazigi Lingvan Festivalon en 2005;
-
alvoki membrojn, kiuj ne pagis sian kotizon en 2003, pagi ĝin en 2004
kiel libervolan donacon;
-
helpi funkciadon de la Esperanto-rondeto en la juda societo;
-
intensigi informkampanjon en la universitato cele al starigo de kurso je
la universitata nivelo;
-
komisii al la Komitato fari adresaron de kaliningradaj esperantistoj.
[HaGo]
Novaĵoj |
Enirpaĝo