Radio
Esperanto: Ne nur aŭskulti, ankaŭ legi…
Radio Esperanto ekfunkciis
komence de februaro 2008 en Kaliningrado (Ruslando). Komence estis planite
disaŭdigi literaturajn tekstojn en ĉiu dua sonprogramo, sed ekde la 11a
programo ili aperas preskaŭ en ĉiu elsendo. Entute, Radio Esperanto aperigis
18 sonprogramojn en kiuj estis (krom du poeziaj) dek du prozaj programeroj.
Estis sonregistritaj kaj enretigitaj tri originalaj tekstoj kaj naŭ tradukoj
el la lingvoj: rusa (kvar de Ĉeĥov kaj unu de Tolstoj), hispana (du noveloj
de Borges), angla (Joyce) kaj pola (Terakowska). Ilin legis Halina Gorecka
kaj Aleksander Korĵenkov.
Ĉar Radio Esperanto aperas en la formo “podkasta”, ĉiu
programo estas aŭskultebla kaj elŝutebla en iu ajn oportuna tempo en
la retejo: http://la-ondo.rpod.ru/
Oni povas ankaŭ (kompreneble: tute senpage) abonu ilin:
http://la-ondo.rpod.ru/rss.xml
Ĉiuj beletraj tradukoj el Radio Esperanto estas legeblaj en
literaturaj rubrikoj de la retejo
de Sezonoj / La Ondo. Tio ebligas sekvi la paroladon por
tiuj, kiuj ankoraŭ ne perfekte lernis Esperanton, kaj tiusence niaj literaturaj
sonprogramoj estas konsilindaj por kursfinintoj. Post kelka tempo oni povos
legi ankaŭ la originale verkitajn tekstojn.
Jen la listo:
Programo 2. Anton
Ĉeĥov. Historio de komerca entrepreno (Tradukis Aleksander Korĵenkov)
Programo 4. Anton
Ĉeĥov. Almozulo (Tradukis Aleksander Korĵenkov)
Programo 6. Anton
Ĉeĥov. Ĉevala familinomo (Tradukis Aleksander Korĵenkov)
Programo 8. Lev
Tolstoj. Resurekto: Fragmento (Tradukis Viktor Sapoĵnikov)
Programo 9. Vasilij Devjatnin. Samideanoj
Programo 11. James
Joyce. Evelino (Tradukis Russ Williams)
Programo 12. Jorges
Luis Borges. Emma Zunz (Tradukis István Ertl)
Programo 13. Czesław Kozłowski. Nia versistaro
Programo 14. Spomenka Štimec. Gastamo
Programo 15. Jorge
Luis Borges. La viro ĉe la sojlo (Tradukis Liven Dek)
Programo 17. Anton
Ĉeĥov. Ŝi volas dormi (Tradukis Aleksander Korĵenkov)
Programo 18. Dorota
Terakowska. La kvina telero (Tradukis Dorota Buchardt)
Ankaŭ en la venonta jaro niaj sonprogramoj enhavos beletraĵojn.
Bonan aŭskultadon en la jaro 2009!
Radio Esperanto
Novaĵoj | La ĉefa enirpaĝo