La
lastan tagon de marto aperis la kvina Esperanto-podkasto el Kaliningrado.
Entute, en marto tri dusemajnaj sonprogramoj aperis — iom escepta afero.
Ĉar marto enhavis kvin semajnfinojn kaj semajnkomencojn, ni povis fari
po unu programon dum kaj post la unua, tria kaj kvina semajnfino.
Ni dankas ĉiujn aŭskultantoj pro atento, kritiko kaj proponoj, kiujn ni klopodas utiligi. Ve, ne ĉiujn proponojn ni povas realigi. Mankas al ni la tempo (kaj teknikaj ebloj) por plioftigi la programojn, kaj mankas al ni la fakaj scioj por kompetente raporti, ekzemple, pri la ekonomiaj problemoj. Krome, kelkaj petis, ke ni aŭdigu pli da muziko rusa kaj Esperanta, sed la kopirajtaj aferoj estas malfacile solveblaj. Tamen hodiaŭ vi aŭdos muzikan kontribuon — bluso de Doktoro Kverkradiko el Usono.
Ĉi tiu bluso sonas en la fino de nia programo, kiu konsistas ĉefe el tekstoj de la ĵus eldonita aprila kajero de La Ondo de Esperanto, interalie:
La sonprogramoj de La Ondo estas aŭskulteblaj:
http://la-ondo.rpod.ru/
Oni povas aboni la podkastojn:
http://la-ondo.rpod.ru/rss.xml
La kvinan podkaston vi povas elŝuti rekte per ĉi
tiu ligo:
La sesa programo aperos post unu semajno.
La artikolon, kiu aperis je la Tago de Kultur-aganto, garnas foto de Halina Gorecka (fotis Aleksej Korĵenkov), kiun vi povas vidi ĉi-paĝe.
Probable, en la nuna Ruslando Kaliningradskaja pravda estas la regiona ĵurnalo plej regule kaj objektive informanta pri Esperanto danke al Irina Klimoviĉ, kiu pasintjare ricevis honordiplomon de Kaliningrada Regiona Unuiĝo Esperantista (pli frue ĉi tiun diplomon ricevis Edward Kozyra, Povilas Jegorovas kaj Jarosław Czubiński).
Legu la tutan tekston
de la artikolo.