Liro: VinjetoLiro-2005

Je la Zamenhofa Semajnfino en Kaliningrado estis anoncita la rezulto de la tradicia literatura konkurso Liro-2005, organizita de La Ondo de Esperanto.

La seppersona juĝkomisiono (Aleksej Birjulin, Sten Johansson, Wolfgang Kirschstein, Aleksander Korĵenkov, Alen Kris, Valentin Melnikov, Petro Palivoda) ricevis 37 konkursaĵojn de 23 aŭtoroj el 15 landoj — Britio, Ĉeĥio, Finnlando, Francio, Germanio, Hungario, Irano, Luksemburgio, Mongolio, Pollando, Rumanio, Ruslando, Svedio, Ukrainio, Usono. Neniam pli frue konkursaĵoj venis el tiel multaj landoj.

La rezulto de Liro-2005

Originala prozo

Laŭreato: Paul Gubbins (Britio) pro Amikaro.
Laŭdaj mencioj: Leif Nordenstorm (Svedio) pro ttt.mondplibonigo.org;
Jean-Marie Ries (Luksemburgio) pro Apneaŭ birdebla fileĉo;
Lenke Szász (Rumanio) pro Telefoni al vi;
Tatjana Vŝivceva (Ruslando) pro Jubileo.

Originala poezio

Laŭreato: Alfred Knapp (Germanio) pro En la vespera horo.
Laŭdaj mencioj: Alfred Knapp (Germanio) pro Pegazo-flugo.
Ludmila Orajevskaja (Ukrainio) pro Muziko;
Tatjana Vŝivceva (Ruslando) pro Venos mi kaj La antaŭvintra melankolio.

Traduka prozo el la rusa lingvo
(Всеволод Гаршин. Красный цветок)

Laŭreato: Miĥail Povorin (Ruslando).

Traduka poezio el la rusa lingvo 
(Раиса Кудашова. В лесу родилась ёлочка)

Laŭreato: Tatjana Auderskaja (Ukrainio).

Traduka prozo el la angla lingvo 
(Mark Twain. Journalism in Tennessee)

Laŭreato: Jean-Luc Tortel (Francio)
Laŭda mencio: Paul Gubbins (Britio)

La laŭreatoj ricevos diplomojn kaj libropremiojn. Konforme al la regularo la organizantoj rezervas al si la rajton ĝis 1 jan 2008 publikigi la ricevitajn konkursaĵojn en La Ondo de Esperanto, libroforme kaj elektronike.

Gratulon al la laŭreatoj!
Dankon al la partoprenintoj!

Halina Gorecka
sekretario de Liro-2005


Liro-97 | Liro-98 | Liro-99 | Liro-2000 | Liro-2001 | Liro-2002 | Liro-2003 | Liro-2004 | Indekso de Liro